განათლების მინისტრის განცხადებით, საკმარისი კანონდარღვევები იყო, რომ მასწავლებელთა პროფესიული განვითარების ცენტრის ახალ ხელმძღვანელი გათავისუფლებულიყო.

მისი თქმით, მასალებს უკვე ფინანსთა სამინისტროს საგამოძიებო სამსახური სწავლობს და სამართალდამცველების რეაგირებასთან დაკავშირებით პასუხი ერთ თვეში იქნება.

"ვფიქრობ, საკმარისია იმისთვის, რომ მსგავსი გადაწყვეტილება მიგვეღო. საქმეში ფიგურირებს ისეთი თემები, როგორიცაა დაახლოებით 400 ათასი ლარის არამიზნობრივი ხარჯვა. გამოძიებაში უკვე ჩაერთო ფინანსთა სამინისტროს საგამოძიებო სამსახური. რა რეაგირება ექნებათ სამართალდამცავ ორგანოებს ამ კონკრეტულ საკითხზე, დაახლოებით ერთ თვეში გვეცოდინება. დასკვნაში მითითებულია კონკრეტული გადაცდომები, ახალ ხელმძღვანელს აუცილებლად ექნება ეს ხარვეზები გამოსასწორებელი, იქნება ეს რეორგანიზაციის კუთხით, მენეჯმენტის და საორგანიზაციო საქმიანობის გაძლიერების კუთხით, ამას ახალი ხელმძღვანელი თავად გადაწყვეტს” – განაცხადა სანიკიძემ.

მასწავლებელთა პროფესიული განვითარების ეროვნული ცენტრის ხელმძღვანელი გია მამულაშვილი მინისტრმა რამდენიმე დღის წინ შიდა აუდიტის დასკვნის საფუძველზე გაათავისუფლა. თავად გია მამულაშვილის თქმით, დირექტორის პოსტზე დარჩენა საფრთხეს არ შეუქმნის გამოძიების ობიექტურად წარმართვას, პირიქით როგორც თითოეული თანამშრომელი, ისე თავას დირექტორი მზად არის მიაწოდოს ყველა საჭირო ინფორმაცია სამართალდამცავ ორგანოებს.

ნინი კაციტაძე