გარკვეული მედიკამენტები მაღალი რისკის მატარებელია და მსგავს პრეპარატებთან განსაკუთრებული სიფრთხილეა საჭირო. ერთ-ერთი ასეთი მედიკამენტია „ნიმესილი“, რომელსაც საზოგადოება, უმეტესად, როგორც ტკივილგამაყუჩებელს ისე იყენებს.

ჯანდაცვის კონსულტანტი თინა ტურძელიძე განმარტავს, რომ აღნიშნული პრეპარატი ჰეპატოტოქსიურია ანუ ვნებს ღვიძლს.

„ნიმესილი არ არის უსაფრთხო წამალი. უფრო მეტიც, ის მაღალი რისკის მატარებელი პრეპარატია, ჰეპატოტოქსიურია ანუ ვნებს ღვიძლს. მისი გამოყენება მსოფლიო ბაზარზე სამი ჩვენებით არის რეკომენდირებული. არის ქვეყნები, მათ შორის ამერიკა, რომელიც არ უშვებს ნიმესილს თავის ბაზარზე, არის ქვეყნები, სადაც ამ პრეპარატს მხოლოდ ვეტერინარულ პრაქტიკაში იყენებენ. ასე, რომ ამ პრეპარატთან განსაკუთრებული სიფრთხილეა საჭირო“, - განმარტავს ტურძელიძე.