მასწავლებელთა პროფესიული განვითარების ეროვნული ცენტრის თანამშრომლები პრემიერ-მინისტრს მოუწოდებენ, რომ არ დაეთანხმოს განათლების მინისტრის მოთხოვნას ცენტრის დირექტორის გია მამულაშვილის თანამდებობიდან გათავისუფლების შესახებ.

მათ მიაჩნიათ, რომ დირექტორის პოსტზე დარჩენა საფრთხეს არ შეუქმნის გამოძიების ობიექტურად წარმართვას, პირიქით როგორც თითოეული თანამშრომელი, ისე თავას დირექტორი მზად არის მიაწოდოს ყველა საჭირო ინფორმაცია სამართალდამცავ ორგანოებს.

ისინი მოითხოვენ მინისტრთან შეხვედრას და დირექტორის გათავისუფლებასთან დაკავშირებით არსებულ ყველა კითხვაზე პასუხის გაცემას.

„განათლების სამინისტროს შიდა აუდიტის სამსახურმა გამოაქვეყნა დასკვნა, რომელსაც ცენტრის თანამშრომლები არ ვეთანხმებით. მისი ბევრი პუნქტი ჩვენთვის უბრალოდ ღიმილის მომგვრელია. ამ დასკვნაში ბევრი ლაფსუსი და უზუსტობაა. მიგვაჩნია, რომ ეს არ არის ცენტრის დერექტორის გათავისუფლების მიზეზი“, - განაცხადა მამულაშვილმა.