„მედიკამენტების რეცეპტებით გაყიდვის გამო შავი ბაზრის სტიმულირება არ მოხდება“, - ამის შესახებ ჯანდაცვის მინისტრმა დავით სერგეენკომ მთავრობის სხდომის დაწყებამდე განაცხადა.

მისი განმარტებით, მედიკამენტების რეცეპტით გაყიდვას წამლების ფასის ზრდა არ მოჰყვება.

„რეცეპტებით მედიკამენტების გაყიდვაში ხალხმა ტრაგედია დაინახა, თუმცა ტრაგედია ისაა, რომ მოსახლეობის ნაწილს ჰგონია, რომ შეუძლია საკუთარ თავს წამალი გამოუწეროს. აღნიშნული პროექტი ჯერ კიდევ გასული წლის ზაფხულში დაიწყო, როდესაც ჯერ კიდევ პარლამენტმა მიიღო ეს დადგენილება. ამ წლის განმავლობაში ჩვენ ყველასთან გვქონდა კონსულტაციები და პროექტმა საბოლოო სახე ასე მიიღო“, – განაცხადა სერგეენკომ.