რუსეთი შემოიჭრა ჩვენს ტერიტორიაზე, მახსოვს რამდენი ჯარისკაცი დაიღუპა, მომდევნო კომპოზიციას სწორედ მათ ვუძღვნი“ - ეს სიტყვები ქართველმა ჯაზმენმა გიორგი მიქაძემ კენედის ცენტრში, მილენიუმის დარბაზში გამართულ ქართულ ჯაზ-საღამოზე წარმოთქვა.

საავტორო კომპოზიცია „კავკასიური ნაგაზი“ მუსიკოსმა აგვისტოს ომში დაღუპული მეომრების ხსოვნას მიუძღვნა. ქართველი ჯაზმენი ამერიკელი მსმენელის წინაშე საკუთარი ჯაზ კვარტეტით და საკუთარი კომპოზიციებით წარსდგა. ოქტომბერში კი მის მოსმენას ჯაზის მოყვარულები საქართველოში შეძლებენ.

ბერკლის კოლეჯის კურსდამთავრებული სექტემბრიდან ვაშინგტონს დატოვებს და სასწავლებლად ნიუ იორკში გაემგზავრება.

გიორგი მიქაძე: „გადავწყვიტე ნიუ-იორკში გადავსულიყავი, თუმცა, არ ვიცოდი ეს რა გზებით მოხდებოდა, საბედნიეროდ ეს სწავლის გაგრძელებით დაგვირგვინდა. ჩავაბარე მანჰენტენის მუსიკალურ აკადემიაში, რომელიც ერთ-ერთი საუკეთესოა ნიუ-იორკში“.