სოდ-ის ყოფილი უფროსის ერეკლე კოდუას ძმა, ბიზნესმენი დავით კოდუა მისი ცემის ფაქტთან დაკავშირებით პირველ კომენტარს აკეთებს. კოდუამ დეტალებზე „რუსთავი 2“-თან ისაუბრა:

„ტელეფონმა დამირეკა, ტელეფონზე ლაპარაკის დროს გავსულვარ გარეთ და მერე არაფერი აღარ მახსოვს, როგორც მიყვებიან მეცა სამი პიროვნება, გამთიშეს და მირტყამდნენ თავში ფეხებს, რამ გამთიშა არ ვიცი, ზურგი მქონდა დამწვარი, ექსპერტს დაუწერია, რომ მე ვიყავი ნაკლებად მძიმე“, - აცხადებს დავით კოდუა.

მან ასევე ნოშრევან ნამორაძესთან წარსულ ურთიერთობაზეც ისაუბრა:

„2007 წლამდე საერთო ბიზნესი გვქონდა, შემდეგ ბიზნესიც გავყიდეთ, სხვა პიროვნებას მივყიდეთ და მასთან არავითარი ურთიერთობა აღარ მქონია. მე რომ ვკითხე ჩემთან რამე პრეტენზია გაქვს-მეთქი და არაო“, - აღნიშნა კოდუამ.

მან ასევე განაცხადა, რომ მას სურს იცოდეს იმ ორი ადამიანის ვინაობის შესახებ, რომლებიც ნოშრევან ნამორაძესთან ერთად მის ცემაში იღებდა მონაწილეობას.

დავით კოდუა 3 მაისს ვაკეში აბაშიძის ქუცაზე სცემეს.