ჰოლივუდის უნიჭიერესი მსახიობის რობინ უილიამსის გარდაცვალებას უამრავი ადამიანი გამოეხმაურა, მათ შორის აშშ-ს პრეზიდენტი ბარაკ ობამა. შტატების პრეზიდენტმა მსახიობს „ტვიტერში“ განუმეორებელი და ერთადერთი უწოდა.

ბარაკ ობამა: „რობინ უილიამსი იყო მფრინავი, ექიმი ჯინი, აღმზრდელი, პრეზიდენტი, პროფესორი, მოუსვენარი პიტერ პენი და უამრავი სხვა ვინმე, მაგრამ ამავდროულად ის თავის მხრივ ერთადერთი იყო“

რობინ უილიამსი საკუთარ სახლში, კალიფორნიაში გარდაცვლილი იპოვეს. სამართალდამცველები თვითმკვლელობის ვერსიას განიხილავენ. საბოლოო დასკვნას გამოძიება დაადგენს.