ტურისტების ზრდის უპრეცედენტო მაჩვენებელი- 7 თვის სტატისტიკა

ბიზნესი & ეკონომიკა - 19:39, 08 Aug, 2014

2008

ივლისის თვეში ტურისტების ზრდის უპრეცედენტო მაჩვენებელი დაფიქსირდა. შინაგან საქმეთა სამინისტროზე დაყრდნობით ტურიზმის ეროვნული ადმინისტრაციის მონაცემებით,გასული 7 თვის განმავლობაში ქვეყანაში 1 191 815 ტურისტი შემოვიდა, რაც წინა წლის ანალოგიურ პერიოდთან შედარებით 11 % ით მეტია.

რაც შეეხება კონკრეტულად ივლისის თვეს, სახელმწიფო საზღვარზე 670 256 ვიზიტორი გადაადგილდა, რაც 2013 წლის ანალოგიურ პერიოდთან შედარებით 9,2 %–ით მეტია.

2014 წლის ივლისში ყველაზე მეტი ვიზიტი კვლავ მეზობელი სახელმწიფოებიდან: თურქეთიდან (-3%), აზერბაიჯანიდან (+35%), სომხეთიდან (-2%), რუსეთიდან (+13,3%) და უკრაინიდან (+32,6%) განხორციელდა. ასევე, პოზიტიური ტენდენცია ნარჩუნდება ევროკავშირის ქვეყნების მიმართულებიდან, საიდანაც საქართველოში ჩამოსვლების რაოდენობის ზრდის კუთხით, იანვარ–ივლისშიც კვლავ ტრადიციულად გამოირჩნენ: ლიტვა, პოლონეთი, ავსტრია, ლატვია და იტალია (შესაბამისად 88%, 47%, 17%, 17%, და 13%), შუა აზიის ქვეყნებიდან - ყაზახეთი (39%), ხოლო აღმოსავლეთ ევროპის ქვეყნებიდან კი - ბელორუსიის მოქალაქეები 57% მატებით.

ტურიზმის ეროვნული ადმინისტრაცია სხვადასხვა სახელმწიფოებში მრავალ მარკეტინგულ კამპანიასა და პრესტურს ატარებს, შედეგად საქართველოს ცნობადობა კიდევ უფრო იზრდება, რაც ხელს ქვეყანაში ტურისტების ნაკადის მატებას ხელს უწყობს.