აჭარის ავტონომიური რესპუბლიკის მთავრობის თავმჯდომარემ არჩილ ხაბაძემ და საქართველოს თავდაცვის მინისტრის მოადგილე ვაკო ავალიანმა 2008 წლის აგვისტოს ომის მონაწილეებს ხვიჩა შაქარიშვილსა და მალხაზ მელაძეს ბინები გადასეს. სამხედრო ძალების ვეტერანები სახოვრებელი პირობების გაუმჯობესების მიზნით ფართები ქ. ბათუმში ტბეთის ქუჩაზე ახლად აგებულ მრავალსართულიან საცხოვრებელ სახლში მიიღეს.

ომის ვეტერანებისათვის ბინების გადაცემის გადაწყვეტილება აჭარის მთავრობამ საქართველოს თავდაცვის სამინისტროს რეკომენდაციით მიიღო.

31 წლის მალხაზ მელაძე აგვისტოს ომამდე საქართველოს შეიარაღებულ ძალებში 4 წელი მსახურობდა. იგი 2008 წლის 9 აგვისტოს ცხინვალში, საომარი მოქმედებების დროს ტყვედ აიყვანეს. ჯარისკაცი, ქართულმა მხარემ 19 აგვისტოს სხვა ქართველ ტყვეებთან ერთად რუს გენერალში გაცვალა. ჰყავს მეუღლე და ერთი შვილი.

ხვიჩა შაქარიშვილმა სამხედრო საქმიანობა 2008 წლის აგვისტოს ომამდე 3 თვით ადრე დაიწყო. მას გაფორმებული ჰქონდა კონტრაქტი. ყოფილი ჯარისკაცის ოჯახს ფინასურ დახმარებას საქართველოს თავდაცვის სამინისტრო უწევს, ღებულობს პენსიას. ჰყავს მეუღლე და 2 შვილი.