მამა გიორგი რაზმაძე: ვაითუ ამ ხელისუფლებამ „ნაციონალებზე" უარესად დაამთავრონ...

საზოგადოება - 17:27, 07 Aug, 2014

5402

ავჭალის წმინდა ქეთევან წამებულის სახელობის ეკლესიის მოძღვარი, მღვდელი გიორგი რაზმაძე „ალიასთან“ საუბარში ანაკლიის მაცხოვრებლების მიერ ჩატარებულ აქციას ეხმაურება.

ანაკლიის მაცხოვრებლები აქციაზე 14 აგვისტოს დაანონსებულ „კაზანტიპის“ საწინააღმდეგო აქციას აპროტესტებდნენ და აცხადებდნენ რომ ფესტივალი აუცილებლად უნდა ჩატარდეს, რადგან ისინი ტურისტების დასახვედრად ემზადებიან და სპეციალურად „კაზანტიპის“ სტუმრების მისაღებად სახლები გაარემონტეს, რისთვისაც ბანკიდან კრედიტების გამოტანა დაჭირდათ.

„ესენი არიან ის ადამიანები, რომელთაც, ალბათ, გონებრივი გაჭირვება აქვთ, ან კიდევ ვერ ხვდებიან, ვის შეკვეთას ასრულებენ. გამოდის, რომ მთავრობა და ბანკები ხალხს საროსკიპოების გასახსნელად ფულს უხდის?

შეგონებისთვის ერთ რამეს ვეტყვი ამ საცოდავ ადამიანებს, სოდომი და გომორიც ზუსტად ასე ცხოვრობდა, როგორც ეს ადამიანები აზროვნებდნენ, როცა მათთან ყოვლადწმინდა სამება ანგელოზის სახით მივიდა, გაუპატიურება მოუნდომეს, ამის გამო მოიწვა ეს ადგილი და დღემდე იწვის. რა უნდათ ახლა ამ ადამიანებს, იგივე ცოდვები გაიმეორონ და ანაკლიაც დაიწვას? ...აღვირახსნილობის ქვეყნებიც არსებობენ და პრობლემა არაა იქ წავიდნენ საცხოვრებლად..

ეს არის პატარა ჯგუფი, რომელსაც ვიღაცა მართავს, ადრე ეს იყო გიორგი სიგუა... აღვირახსნილობა თუ არ აკრძალა ხელისუფლებამ სიგუასნაირები სულ იქნებიან. თუ ეს ხელისუფლება „ნაციონალებივით“ მოიქცევა, როგორ დაამთავრებენ ყველა ხვდება და ვაითუ „ნაციონალებზე" უარესად დაამთავრონ. მოვუწოდებ ხელისუფლებას ცუდად არ დაამთავროს, გაფრთხილდეს!“- აცხადებს ავჭალის ეკლესიის მოძღვარი.