გორში შუა ხნის მამაკაცი მწვავე ინტოქსიკაციის შედეგად გარდაიცვალა. 51 წლის ზურაბ ბეგლარიშვილი სოფელ ბებნისში იმყოფებოდა, რა დროსაც მარკეტში არაყი შეიძინა და ახალაზრდა მამაკაცთან ერთად დალია.

ადგილობრივების ინფორმაციით, ისინი მოიწამლნენ, რის შედეგად სასწრაფო დახმარება გამოიძახეს. ბებნისში ჩასულმა სასწრაფო დახმარების ბრიგადამ მოწამლულები გორის სამხედრო ჰოსპიტალში გადაიყვანა. მათ მუცლის ძლიერი ტკივილი და გულის რევის შეგრძნებები აღენიშნებოდათ.

როგორც „ნიუპოსტისთვის“ გახდა ცნობილი, ბეგლარიშვილი გოსპიტალში მიყვანიდან რამდენიმე საათში გარდაიცვალა, ხოლო მასთან თანმხლები მამაკაცი მკრნალობას ამ დრომდე აგრძელებს. „ნიუპოსტი“ ამ დრომდე ცდილობს გაარკვიოს, რა მარკის არაყი შეიძინა მამაკაცმა. დამატებით ინფორმაციას უახლოეს პერიოდში შემოგთავაზებთ.

გიორგი ახალკაცი, "ნიუპოსტი", გორი