ხვალ 20 არასამთავრობო ორგანზიაცია და პოლიტიკური პარტიები შეხვედრას მართავენ

საზოგადოება - 18:15, 05 Aug, 2014

2048

ხვალ 20-მდე არასამთავრობო ორგანიზაცია, საზოგადოებრივი ჯგუფები და პოლიტიკური პარტიები 12:00 საათზე, სასტუმრო ,,ძველ თბილისში“ კონფერენციას მართავენ, რომლის ორგანიზატორია მოძრაობა ,,დაბრუნება“. კონფერენციაზე აფხაზეთის ა/რ/ უმაღლესი საბჭოს სრული შემადგენლობთ დათხოვნა და ახალი არჩევნების ჩატარება განიხილება, ამასთან საუბარი შეეხება ქვეყანაში მიმდინარე პროცესებს და საერთაშორისო გამოწვევბს.

,,ნიუპოსტის“ ინფორმაციით, კონფერენციას არასამთავრობო ორგანიზაციებთან ერთად დაესწრებიან საზოგადოება ,,ივერიას“ წარმომადგენლები, მათ შორის პოლიტიკური პარტიები, ,,ეროვნულ-დემოკრატიული პარტია“, ,,ევროპელი დემოკრატები“, ,,ქრისტიან-დემოკრატიული პარტია“, ,,ილია ჭავჭავაძის“ საზოგადოება, ზურაბ ხარატიშვილის პოლიტიკურ-საზოგადოებრივი გაერთიანება.

,,ნიუპოსტთან“ საუბარში მოძრობა ,,დაბრუნების“ თავმჯდომარემ მალხაზ პატარაია აფხაზეთის ა/რ უმაღლეს საბჭოში არსებულ ვითარებას საგანგაშოს უწოდებს და მის უკან რუსული ინტერესებს ხედავს. ორგანიზაცია ,,დაბრუნების“ ხელმძღვანელი ამბობს, რომ დღეს არსებული ვითარების ფონზე, როცა ქვეყანა მნიშვნელოვანი საერთაშორისო გამოწვევების წინაშე დგას, არ შეიძლება აფხაზეთის უმაღლესი საბჭოს წევრების პოზიცია და ქმედება საეჭვოდ ემთხვეოდეს რუსეთის მიზნებს. პატარაია მიიჩნევს, რომ აფხაზეთის უმაღლესი საბჭოს გადარჩევა არჩევნების გზით გადაუდებელი ამოცანაა.