კულტურის მინისტრმა მიხეილ გიორგაძემ კახა კანდელაკი და მანანა ბერიკაშვილი მოადგილეებად ოფიციალურად წარადგინა.

მისი თქმით, კახა კანდელაკი პირველი მოადგილის პოსტს დაიკავებს, ხოლო მანანა ბერიკაშვილი კი სახელოვნებო მიმართულებას უხელმძღვანელებს.

“პირველი მოადგილე კახა კანდელაკი იქნება. ჩვენ დიდი გზა განვლიეთ ერთად და ეს მაძლევს საფუძველს, ვთქვა, რომ კახა საერთაშორისო მიმართულებსა და ღონისძიებებს კარგად უხელმძღვანელებს. რაც შეეხება მანანა ბერიკაშვილს, ის სახელოვნებო მიმართულებას უხელმძღვანელებს. გარდა ამისა, ვფიქრობ, კვირის ბოლოს ფინანსურ დარგში მოადგილეს წავადგენ. ასევე რჩება კიდევ ერთი ვაკანსია, რომლის შესახებ მოგვიანებით გახდება ცნობილი, თუმცა ვფიქრობ, ტრაგედია არ იქნება, რომ ჯერჯერობით ამ შემადგენლობით ვიმუშავო”, - განაცხადა გიორგაძემ