რა გეგმები აქვს ,,კაზანტიპს“ ანაკლიაში მომდევნო 10 წლის განმავლობაში

საზოგადოება - 19:52, 01 Aug, 2014

4010

,,რესპუბლიკა კაზანტიპის“ წარმომადგენლები 10 წლის განმავლობაში ანაკლიასთან დაკავშირებით საკუთარ გეგმებზე საუბრობს.

როგორც მათ ,,ნიუპოსტს“ აცნობეს, 10 აგვისტოს, ანაკლიის ცენტრში ახალი მუნიციპალური ბაზარი გაიხსნება, რომელიც 170 მოვაჭრეზეა გათვლილი. ამას გარდა, როგორც ცნობილია 4 წლის განმავლობაში, ანაკლიიის ზოლში 100-120 მცირე ზომის კერძო სასტუმროს მშენებლობაა დაგეგმილი.

„რესპუბლიკა კაზანტიპისთვის“ ანაკლია ერთჯერადი ლოკაციის ადგილი არ იქნება და აღნიშნული პროექტი მომდევნო 10 წლის განმავლობაში ანაკლიაში გეგმავს ელექტრონული მუსიკის ფესტივალის ჩატარებას. ყოველწლიურად ანაკლიის სანაპიროზე ჩამოსული 10 ათასობით ტურისტი კი სწორედ ამ ახალ სასტუმროებში და კერძო სახლებში განთავსდებიან. ეს უკანასკნელი, კი თავის მხრივ უკვე ადგილობრივი მოსახლეობის კეთილდღეობაზე აისახება პირდაპირპროპციულად. ამას გარდა, თუ პროეტი, მართლაც 10 და მეტი წელი გაგრძელდა, ნიკიტა მარშუნოკის ვარაუდით, კურორტის მთელი სანაპირო ზოლზე გრანდიოზული სასტუმროები აშენდება და არც საერთაშორისო აეროპორტზე საუბარი იქნება შორეული პერსპექტივა.

ამ ეტაპზე ანაკლია 30 ათასამდე ტურისტის მისაღებად ემზადება, ანაკლიაში არსებულ სამი სასტუმროთი და სპეციალურად ფესტივალისთვის აშენებული კარვების ქალაქით, 2500 კარვით, რომლებიც 2-2- პირზეა გათვლილი. ყველაზე მეტი სტუმრის მიღება კი ადგილობრივ კერძო ბიზნესმენებს საკუთარი ფართების გაქირავებით შეუძლიათ - ამ შემთხვევაში საუბარია 17 ათას ადგილზე.

რაც შეეხება რესპუბლიკა კანტიპში მოსახვედრ ვიზებს, ე.წ. ბილეთებს, მათი შეძნა როგორც ცნობილია დარეგისტრირების შემდეგ შიძლება და უკვე ადგილზეც, თუმცა ადგილზე ფასი შესაძლოა განსხვავებული იყოს. ვიზების შეძენა უკვე დღეიდან შსაძლებელია საქართველოს ნებისმიერ ადგილას, TBC ბანკის სწრაფი გადახდის აპარატებში.

ასე რომ, ანაკლიაში პროექტისთვის მზადება აქტიურად მიმდინარეობს: ეწყობა ინფრასტრუტურა, კეთდება ბარები, რესტორნები, გასართობის კლუბები, მზადდება სცენები დიჯეებისთვის, ბიოტუალეტებიდა ა.შ. თუმცა, რაც ყველაზე მთავარია, ინფრასტრუქტურის მოწყობაში სახელმწიფო არცერთ თეთრს არ ხარჯავს და ფულს თავად ფესტივალის ორგანიზატორები გამოყოფენ“, - აღნიშნულია განცხადებაში.