ლაგოდეხის საბაჟო პუნქტიდან ავტომობილებს უკან აბრუნებენ, აზერბაიჯანმა საზღვრის ამ მონაკვეთზე საქართველოს მოქალაქეებისთვის მოძრაობა შეზღუდა, პროცესი დილიდან დაიწყო ოფიციალურ მიზეზად ბაქო მანქანების გაუმართაობას ასახელებს. შეზღუდვების მიზეზებს განმარტავენ თბილისშიც.

„პრობლემები შეიქმნა აზერბაიჯანის საზღვარზე ავტომანქანების გადასვლასთან დაკავშირებით, სამინისტრო საელჩოსთან ერთად აზერბაიჯანულ მხარეს დაუკავშირდა, შეზღუდვები ეხება აზერბაიჯანის რესპუბლიკის მიერ 2014 წლის იანვარში კანონში შესულ ცვლილებებს, აქტიური მუშაობის შედეგად აღნიშნული არ გავრცელდება ორი კვირის განმავლობაში და ამ ვადამ 16 აგვისტომდე გადაიწია.

კანონი არის შიდა სახელმწიფოებრივი დოკუმენტი, რომელიც სახელმწიფოს შიგნით ვრცელდება, კარგი იქნებოდა, რომ შეტყობინება გაკეთებულიყო, თუმცა არცერთი საერთაშორისო ვალდებულება შიდა კანონმდებლობის გაცნობისა, სხვადასხვა ქვეყნების მიმართ ვერ გეტყვით რომ არსებობს, თუმცა აღნიშნული შეზღუდვა, რომელიც აზერბაიჯანის რესპუბლიკამ აამოქმედა, მთელ მსოფლიოში მოქმედებს, ანალოგიური არის ზუსტად თურქეთის რესპუბლიკაში და ეს ახალი არ არის არც ჩვენი მოქალაქეებისთვის”, - განაცხადა ინგა კიკვაძემ.