ახალი სიმღერა ”სან ტროპე” ივანა მელაიმ ალბომისთვის რამდენიმე დღის წინ ჩაწერა. როგორც ცნობილი ხდება სიმღერის ჩაწერის იდეა მომღერალს სან ტროპეში დასვენებისას გაუჩნდა. უკრაინელი მომღერალი დასასვენებლად "ქუჩის ბიჭების" გურამიკო ლომიძესთან ერთად იყო.

„ამ სიმღერით მსურს მსმენელს ის პოზიტიური განწყობა და განუმეორებელი მუხტი გადავცე“, - ამბობს მომღერალი.

ივანა მელაი ამ სიმღერას მალე ბათუმშიც იმღერებს. კონცერტი ბათუმში 14 აგვისტოს, 20:00 საათზე გაიმართება და ორ საათს გასტანს. ბათუმელი მსმენელი რამდენიმე ახალ სიმღერასაც მოისმენს. დეკემბერში კი ივანა ახალი ალბომის პრეზენტაციას თბილისში გამართავს. უახლეს ალბომში დუეტები დათუნა მგელაძესათან, ნოდიკო ტატიშვილთან, მაია კაჭკაჭიშვილთან და გურამ ლომიძესთან ერთად შევა.