საოკუპაციო რეჟიმის წარმომადგენლებმა გორის მუნიციპალიტეტის სოფელ ქვეშში ერთი ადგილობრივი მკვიდრი და ერთი სტუმარდ მყოფი მამაკაცი - ზაქრო ბუთხუზი და ბაჩუკი ბალიაშვილი იმ დროს დააკავეს, როდესაც ისინი სოფელში მსხვილფეხა პირუტყვს მწყემსავდნენ.

აღნიშნულის შესახებ"ნიუპოსტს" სოფლის რწმუნებულმა აცნობა.

"მე არ ვიცი, როდის და რა დროს მოხდა მათი დაკავება, თუმცა, ადგილობრივები ყვებიან, რომ მათ საკუთარ ნაკვეთში ჰყავდათ საქონელი. ადგილობრივებმა მითხრეს, რომ სწორედ ამ დროს გამოჩნდნენ ოკუპანტები, რომლებმაც ეს ორი ადამიანი წაიყვანეს. ერთი სოფელში სტუმრად იყო", - აცხადებს "ნიუპოსტთან" საუბრისას გიორგი ჭიღლაძე.

"ნიუპოსტის" ინფორმაციით დაკავებულები ჯერ სოფელ ზემო არცევში რუსულ სამხედრო ბაზაზე წაიყვანეს, მოგვიანებით კი მათ ცხინვალის წინასწარი დაკავების იზოლატორში გადაიყვანენ. გატაცებულებს ე.წ. საზღვრის უკანონოდ გადაკვეთას ედავებიან.

გიორგი ახალკაცი სპეციალურად "ნიუპოსტისთვის" გორიდან