წყალი „სნო“ „კაზანტიპის“ ფესტივალში არ მონაწილეობს

წყალი „სნო“ „კაზანტიპის“ ფესტივალში არ მონაწილეობს - ოფიციალური განცხადება

საზოგადოება - 14:00, 31 Jul, 2014

4972

კომპანია ,,აქვა გეო“ ანაკლაიში დაგეგმილ ,,კაზანტიპის“ ფესტივალში მონაწილეობასთან დაკავშირებით ოფიციალურ გაცხადებას ავრცელებს. კომპანიის ხელმძღვანელობა კატეგორიულად უარყოფს ფესტივალში რაიმე სახით მონაწილეობას და მიანიშნებს, რომ ამ სახის გადაუმწმებელი ინფორმაციის გავრცელება კომპანიის ავტორიტეტის შელახვას ისახავს მიზნად.

,,ნატურალური მინერალური წყალი „სნო“-ს მწარმოებელი კომპანია „აქვა გეო“ ანაკლიაში დაგეგმილი ფესტივალის მხარდამჭერად დასახელებასთან დაკავშირებით საკუთარ პოზიციას ოფიციალურად აფიქსირებს.

კომპანია „აქვა გეო“ სასმელი წყლის მიწოდებას როგორც საქართველოში, ასევე მის ფარგლებს გარეთ ახორციელებს. „კაზანტიპის“ ფესტივალის ორგანიზატორებმა თანამშრომლობისთვის კომპანიის მენეჯმენტს მიმართეს. მათ წინადადებაზე უარი ეთქვათ.

ხაზგასმით ვაცხადებთ, რომ კომპანია „აქვა გეო“ ფესტივალის ორგანიზატორებთან რაიმე სახის მოლაპარაკებებს არ აწარმოებს და შესაბამისად, აღნიშნულ ღონისძიებაში არ მონაწილეობს.

გავრცელებული ინფორმაცია იმის შესახებ, რომ თითქოს კომპანია „აქვა გეო“ ფესტივალის ექსკლუზიური მხარდამჭერია, სიმართლეს არ შეესაბამება.

მივმართავთ ყველას - ხელი არ შეუწყონ გადაუმოწმებელი ინფორმაციის გავრცელებას, რაც კომპანიის ავტორიტეტის შელახვას ისახავს მიზნად“, - ნათქვმია კომპანიის განცხადებაში.