„Yeeeeeey AMERICA I'm comiiiiiing“... - ფეისბუქის საკუთარ გვერდზე სალომე ქათამაძის მიერ გამოქვეყნებულ ამ სიტყვებს უამრავთა კომენტარი, მოლოცვა და კეთილი სურვილები მოჰყვა. „13-ში სასწავლებლად მივფრინავ და გაგაგებინებთ ამბებს“ - პასუხობს დაინტერესებულ მეგობრებს მომღერალი. ამ პოსტთან დაკავშირებით „ნიუპოსტი“ სალომეს დაუკავშირდა და ამერიკაში გამგზავრებასთან დაკავშირებით უფრო დეტალურად გაერკვა.

სალომე ქათამაძე: „ბერკლის მუსიკალურ კოლეჯში გადავწყვიტე ჩაბარება. უფრო ზუსტად ჩემმა მეგობარმა მარიამ აბდუშელიშვილმა გადამაწყვეტინა. თვითონაც ბერკლიში სწავლობს და ძალიან მომეხმარა ყველაფერში , ოჯახის წევრებმაც ხელი შემიწყვეს და მივემგზავრები, გამოცდა 16 აგვისტოს მაქვს. ვნახოთ რა იქნება, სწავლას იმ შემთხვევაში გავაგრძელებ თუ 80% -იან დაფინანსებას მოვიპოვებ. ნაკლები დაფინანსების შემთხვევაში შევეცდები სპონსორი ვიპოვო, მაგრამ რატომღაც მგონია რომ მაღალ დაფინანსებას მივიღებ.“