რუსეთმა ჰააგის სასამართლო წააგო - ЮКОС-ს 50 მილიარდი დოლარი უნდა დაუბრუნდეს

ბიზნესი & ეკონომიკა - 11:49, 28 Jul, 2014

2943

რუსეთმა ჰააგაში თითქმის 10 წლის განმავლობაში მიმდინარე სასამართლო პროცესი წააგო. ჰააგის საარბიტრაჟო სასამართლო თვლის, რომ რუსეთმა დაარღვია ენერგეტიკული ქარტია და ფაქტობრივად ЮКОС-ი ექსპრორპირებულ ნავთობკომპანიად გამოაცხადა. კორპორაცია Group Menatep Limited-მა (GML), რომელიც ლეონიდ ნევზლინის, ვლადიმერ დუბოვისა და სხვათა ინტერესებს იცავდა პროცესი მოიგო, თუმცა ზარალის ანაზღაურების თანხამ, ნაცვლად 113 მილიარდისა, 50 მილიარდი დოლარი შეადგინა.
გარდა ამისა, რუსეთს მოუწევს 65 მილიონი დოლარის სასამართლო ხარჯების დაფარვაც.
აღსანიშნავია, რომ მიხეილ ხადარკოვსკი ავიდანვე გაემიჯნა ამ პროცესს და შესაბამისად ზარალის ანაზღაურების საკითხი მას არ შეეხება.
შეგახსენებთ, რომ 2003 წელს რუსეთის სახელმწიფომ ЮКОС-ს გადასახადების დაფარვის გამო ბრალდება წაუყენა და მიხეილ ხოდორკოვსკი დააპატიმრა.
2004 წლის ბოლოს ЮКОС-ის აქციები აუქციონზე გაიტანეს და იგი "იუგანსნეფტეგაზმა" (ამჟამად ეკუთვნის "როსნეფტს") შეიძინა. 2005 წელს ხოდორკოვსკიმ თავისი წილი GML-ს მიყიდა, რომელსაც ლეონიდ ნევზლინი, ვლადიმერ დუბოვი და სხვები ფლობენ.
საარბიტრაჟო სასამართლოს გადაწყვეტილებით, რუსეთშ თანხის გადასახდელად ვადა 2015 წლის 15 იანვრამდე აქვს. თუმცა 10 დღეში, რუსეთშ შეუძლია ეს გადაწყვეტილება ჰოლანდიის სასამართლოებში გაასაჩივროს.