წინასწარმეტყველ ლელა კაკულიას ინფორმაციით, ეროსი კიწმარიშვილს და ზურაბ ჟვანიას მოსალოდნელი ტრაგედიის გამო უწინასწარმეტყველა. ამის შესახებ კაკულია გაზეთ „ქრონიკა+“-სთან ინტერვიუში ჰყვება. მისი თქმით, მაშინ წინასწარლეტყველება არც ერთმა რეალობად არ აღიქვა.

„2004 წელს ეროსის უკვე ასე ვხედავდი, ჟვანიასაც ვუწინასწარმეტყველე, მაგრამ თავადც ვერ მიიღო. როცა კაცი ზენიტშია, ადის მაღლა და ამხელა ძალაუფლებას ფლობს, მისთვის, რა თქმა უნდა, წარმოუდგენელი იყო ეს. ამიტომ წინასწარმეტყველებას ძალიან სიფრთხილით უნდა მოეკიდოთ. მე ვურჩევდი ყველას იქნებ, ამან გიშველოთ, იქნებ, ამ წინასწარმეტყველებამ დიდი როლი ითამაშოს. ხუთი წელი იქნება თუ რვა წლის შემდეგ, ურთულეს მდგომარეობაში, რომ აღმოჩნდები, მაშინ გაიხსენო. იქნებ, დაგეხმაროს ეს წინასწარმეტყველება და მოგცეს სწორი მიმართულება. ეროსიმ, არ მიაქცია ყურადღება, იმიტომ რომ ზღაპრად მიიჩნია. ისე მიიღო, რომ ეს როგორ შეიძლება მოხდეს, მე ასეთი ძლიერი ვარ, მე ასეთი ის ვარ, ხომ იცით, ადამიანები როგორები არიან, ყველას თავისი თავი ძლიერი ჰგონია, ჭკვიანი ჰგონია ნამეტანი და ა.შ. ჭკვიანი ადამიანი ნამდვილად იყო ეროსი, მებრძოლი ნამდვილად იყო, არასოდეს ნებდებოდა, მაგრამ, აი, როცა გაუჭირდა, მაშინ უნდა გაერხსენებინა ან თავად, ან სხვას უნდა შეეხსენებინა ეროსისთვის. ალბათ, ეს ადამიანი გამოვიდოდა ამ ჩიხიდან, მაგრამ მაინც ბედისწერა ბედისწერაა – ის, რომ დაიწერა 2004 წელს, რომ მას ვეღარ ვხედავ, მორჩა“, - განუცხადა ლელა კაკულიამ „ქრონიკა+“- ს.

ნინი კაციტაძე