გერმანიის მთავარი ჯილდო ბერლინში, ნაკრების გამარჯვებისთვის მიძღვნილ ღონისძიებაზე დაზიანდა. ნაკრებს 2014 წლის ფეხბურთის მსოფლიო ჩემპიონატზე მოპოვებული თასი გაუტყდა.

„თასს ერთ–ერთ ადგილას გვერდი მოტყდა, თუმცა ჩვენ სპეციალისტები გვყავს, რომლებსაც თასის რესტავრირება შეუძლიათ. გარდა ამისა, სპეციალისტებმა ინციდენტის ღრმა და საფუძვლიანი გამოძიება ჩაატარეს, თუმცა ამან შედეგი არ გამოიღო,“–განაცხადა გერმანიის ფეხბურთის კავშირის ხელმძღვანელმა ვოლფგანგ ნირსბახმა.

ცნობისთვის, „FIFA“-ს წესების თანახმად, მსოფლიო ჩემპიონატის თასის ორიგინალი შვეიცარიაში, ორგანიზაციის სეიფში ინახება.

ჩემპიონატის გამარჯვებული ნაკრები კი მის ასლს ღებულობს.

წყარო:frontnews.ge