17 ივლისს უკარინის ტერიტორიაზე ჩამოგდებული ბოინგ 777-ით მსოფლიოს წამყვანი სპეციალისტები მგზავრობდნენ შიდსთან ბრძოლის საკითხებში - მეცნიერები, ექიმები და საზოგადო მოღვაწეები. მათ მონაწილეობა უნდა მიეღოთ კვირას მელბურნში დაგეგმილ საერთაშორისო კონფერენციაში. როგორც შიდსთან ბრძოლის საერთაშორისო საზოგადოება იუწყება, ბორტზე აღნიშნული სფეროს 108 წარმომადგენელი იმყოფებოდა.

შიდსთან ბრძოლის კანადელი სპეციალისტის ტრევორ სტრეტონის განცხადებით, მეცნიერები აივ ინფექციის ვაქცინის შექმნასთან ძალიან ახლოს მივიდნენ. ასე რომ იგი არ გამორიცხავს, რომ თვითმფრინავის ბორტზე ფაქტობრივად შიდსის ვაქცინა ყოფილიყო.

„არსებობს მრავლისმომცემი კვლევები, რომლებიც დიდი ხანია მიმდინარეობს, ჩვენ ახლოს მივედით ვაქცინასთან, ასე რომ შეიძლება ვისაობროთ შიდსის ვირუსის ერის დასასრულზე უახლოეს მომავალში“, - განუცხადა Independent-ს მეცნიერმა.

„თვითმფრინავზე დიდი რაოდენობით მედიკამენტები აღმოაჩინეს, ეს კი ჩვეულებრივი ლაინერისთვის დამახასიათებელი არ არის. საქმე გვაქვს სამედიცინო სპეცტვირთთან“, - განაცხადა იგორ სტრელკოვმა.

ანანო კვაჭანტირაძე