ბოინგ 777-ის ჩამოგდების შედეგად უკანასკნელი მონაცემებით სულ 298 ადამიანი დაიღუპა. თავდაპირველად ვრცელდებოდა ინფორმაცია იმის შესახებ, რომ მგზავრთაგან 80 ბავშვი იყო, თუმცა მოგვიანებით ეს ინფორმაცია უარყვეს და დადგინდა, რომ ბორტზე 18 ბავშვი იმყოფებოდა. არცერთი მათგანი არ გადარჩენილა. ამის შესახებ ინფორმაციას „დეილიმეილი“ ავრცელებს.

თვითმფრინავის ჩამოგდების შედეგად ასევე გარდაიცვალნენ დედ-მამა ორი მცირეწლოვანი შვილით, ისინი ინდონეზიის მოქალაქეები იყვნენ. გარდაიცვალა სამი და_ძმა, რომლებიც ბაბუასგან შინ მშობლებთან ბრუნდებოდნენ. გარდაიცვალნენ ადამიანები, რომლებიც შვებულებას ამსტერდამში ატარებდნენ და შინ დაბრუნებას აპირებდნენ. გარდაიცვალნენ მოხუცები, რომლებიც შვილიშვილების სანახავად მიდიოდნენ.

ასევე გარდაიცვალა ყოფილი ჟურნალისტი გლენ ტომასი.

ანანო კვაჭანტირაძე