ექს-პრეზიდენტ ედუარდ შევარდნაძის დაკრძალვისთვის სახელმწიფომ 91 000 ლარი დახარჯა.

ამის შესახებ პრემიერ-მინისტრ ირაკლი ღარიბაშვილის მიერ გამოცემულ ბრძანებაშია ნათქვამი.

„საქართველოს პრემიერ-მინისტრის 2014 წლის 7 ივლისის №203 ბრძანების მე-2 პუნქტის საფუძველზე საქართველოს ფინანსთა სამინისტრომ „საქართველოს 2014 წლის სახელმწიფო ბიუჯეტის შესახებ“ საქართველოს კანონით განსაზღვრული საქართველოს მთავრობის სარეზერვო ფონდიდან, საქართველოს მთავრობის კანცელარიას გამოუყოს 91 000 (ოთხმოცდათერთმეტი ათასი) ლარი, საქართველოს ყოფილი უმაღლესი პოლიტიკური თანამდებობის პირის - საქართველოს პრეზიდენტის, ედუარდ შევარდნაძის დაკრძალვასთან დაკავშირებული ხარჯების დასაფინანსებლად“, - აღნიშნულია ბრძანებაში.

ნინო დათაშვილი