თამარ ივერი ამ წუთებში არასამთავრობო ორგანიზაცია "იდენტობის" ოფისში იმყოფება და ორგანიზაციის დამფუძნებელთან ერთად, პრესკონფერენციას მართავს.
ცნობილი საოპერო მომღერლის განცხადებით, მან გადაწყვიტა ლგბტ პირებს, 17 მაისის მოვლენებთან დაკავშირებით მის "ფეისბუქის" გვერდზე გავრცელებული წერილის გამო, კიდევ ერთხელ ბოდიში მოუხადოს. ამ მიზნით, მან გადაწყვიტა, 11 ოქტომბერს თბილისში საქველმოქმედო კონცერტი გამართოს.
ივერის განცხადებით, 11 ოქტომბერი სპეციალურად შეირჩა, რადგან ეს არის დღე, როდესაც ლგბტ პირები ღიად საუბრობენ საკუთარ ორიენტაციაზე.
ჯერჯერობით უცნობია, სად გაიმართება კონცერტი. თამარ ივერი მოუწოდებს სხვა ქართველ მომღერლებს, მონაწილეობა მიიღონ აღნიშნულ კონცერტში.
საქველმოქმედო კონცერტიდან შემოსული თანხა კი ძალადობის მსხვერპლთა დასახმარებლად გადაირიცხება.
ნინა გოლოშვილი
მასალის გამოყენების პირობები






