წმინდა სამების ტაძრის მოძღვარი მამა ელიზბარი „ალიასთან“ საუბრისას აცხადებს, რომ მას გაჩუმების სანაცვლოდ არაერთხელ შესთავაზეს თანხა, ასევე დაწინაურებაც:

„დღეს რომ ეკლესიაში ხდება, დავით აღმაშენებლის დროს არ ხდებოდა, უზნეობა და უსაქციელობა. მოდიან ჩემთან და მეუბნებიან, ფულს მოგცემთო, თქვი რამდენი გინდა და გაჩუმდიო. მაპატიოს მკითხველმა და ამის მთქმელს ვუპასუხე, რომ შეეტენათ ეს ფული ერთ ადგილას. გვარი დვასახელო? და როგორ ფიქრობთ, რაც ქვეყანაში დოლარი და ევროა, მეყოფა იმისათვის, რომ საქართველო გავყიდო? არ მოჭრილა ეგ ფული ჯერ! არადა მითხრეს, გაჩუმდი და აგამაღლებთ ხარისხშიო. შემომთავაზეს ეპისკოპოსებმა და დავრწმუნდი, რომ მართლა ძალიან ცუდადაა ჩვენი საქმე.

საუბედურო სიტუაციაში ვართ და ვიმეორებ, არ არსებობს თანხა ერთად შეკრებილი მსოფლიოში, რაც სამშობლოს გამაყიდვინებდა. არადა ეგენი ყოველ ნაბიჯზე მოღალატეობას სჩადიან და იგივე მომინდომეს მეც - ქვეყნის გაყიდვა. მეუფე იაკობის წინააღმდეგ რომ ააგორეს ეს ბინძური ამბავი, ეს არ არის საშინელება?“, - აცხადებს მამა ელიზბარი „ალიასთან“ საუბრისას.