ეროსი კიწმარიშვილის მეგობარი ბადი ნაეტაშვილი ეროსი კიწმარიშვილის მიერ იარაღის შეძენის თაობაზე საუბრობს, ნანეტაშვილმა გუშინ გადაცემა „არჩევანში“ განაცხადა, რომ კიწმარიშვილი იარაღის შეძენას აპირებდა და მან ამის შესახებ მას შემდეგ გაიგო, რაც კიწმარიშვილმა იყიდა იარაღი და დაურეკა მას:

„იარაღის ყიდვა უნდოდა, რომ თავის ძმისთვის დაბადების დღის საჩუქარი გაეკეთებინა. ამის შესახებ გუშინ მითხრა, გუშინვე აპირებდა იარაღის ყიდვას“, - ბადრი ნანეტაშვილი „რუსთავი 2“-ის გადაცემა „არჩევანში“,

გვიან ღამით გაკეთებულ კომენტარში კი ნანეტაშვილი აცხადებს, რომ იგი კიწმარიშვილთან ერთად იყო წასული იარაღის შესაძენად:

„ერთად ვიყავით მე და ეროსი და ერთად ვიყიდეთ, შევიძინეთ იარაღი, იარაღი რომ ვიყიდეთ საბუთის ასაღებად წავედით, ითქვა, რომ თავის ძმას უნდა აჩუქოს, თავის ძმას გაუკეთოს დაბადების დღის საჩუქარი, მივედით ერთად მაღაზიაში, სადაც ამოგვიწერეს საბუთები, შემდეგ პოლიციაში ვეღარ მივუსწარით და ვთქვით, რომ დილით გამოგვეტანა იარაღი, მე ვუთხარი დილით ვერ გავიღვიძებ, შენ წადი-მეთქი, შემდეგ დამირეკა და მითხრა რომ შეიძინა იარაღი“, - აღნიშნა ნანეტაშვილმა „რუსთავი 2“-თან საუბრისას.