ყველაზე საშიში L-410 – ასე აფასებს ოფციალურ მონაცემებზე დაყრდნობით საჰაერო ნავიგაციის სამეთვალყურეო საბჭოს ყოფილი თავმჯდომარე იმ თვითმფრინავს, რომელმაც თბილისი-მესტია-თბილისის მიმართულებით უნდა შეასრულოს რეისები.

პირველი რეისი 18 ივლისს არის დანიშნული. გიორგი კარბელაშვილის განცხადებით ჩეხური წარმოების L-410 მსოფლიოში აღიარებულია, როგორც საშიში, რადგან მან არაერთხელ განიცადა კატასტროფა, რასაც ოფიციალური სტატისტიკაც ადასტურებს.

აღნიშნული მონაცემების მიხედვით, საფრენი აპარატი სხვადასხვა მიზეზით ჩამოვარდა. კარბელაშვილის განცხადებით, სასურველია, მოსახლეობის უსაფრთხოებიდან გამომდინარე, ეს მონაცემები დეტალურად შეისწავლოს ხელისუფლებამ და გადახედოს ამ გადაწყვეტილებას მოსალოდნელი კატასტროფების თავიდან ასაცილებლად.