ქვემო ფონიჭალის მკვიდრი ირინა ასანიძე ფონიჭალის პოლიციის #9 განყოფილების თანამშრომელს ბუხუტი ბარბაქაძეს მისი ოჯახის დევნაში ადანაშაულებს. როგორც დღეს გამართულ პრესკონფერენციაზე ასანიძემ განმარტა, ბარბაქაძემ უკვე მეორედ დააკავა მისი შვილები და ფიზიკურად სასტიკად გაუსწორდა. როგორც ასანიძე აცხადებს, მის შვილებს ბუხუტი ბარბაქაძე, რომელიც „ნაციონალური მოძრაობის“ მხარდამჭერია, „ქართული ოცნების“ აქტივისტობისთვის დევნის. ქალბატონი შინაგან საქმეთა მინისტრთან შეხვედრას ითხოვს. მისი თქმით, წინააღმდეგ შემთხვევაში ბენზინს გადაისხავს და თავს დაიწვავს.

„ჩემი ორივე შვილი სასტიკად ნაცემია. ჩემი თვალით ვნახე როგორ სცემდნენ პოლიციელები. ვკითხე რა ხდებათქო და მეუბნებოდნენ, თვითონ შემოგვივარდა პოლიციის შენობაშიო. ბუხუტი ბარბაქაძემ მეც მაგინა და ჩემს შვილებსაც. სულ ხელისკვრით გამომაგდო. დალურჯებები ახლაც მეტყობა ხელზე, ისე მიჭერდა. ჩემი შვილები ბუხუტი ბარბაქაძემ ჯერ 27 აპრილს დაიჭირა და სცემა. სასამართლომ მაშინ ადმიანისტრაციული სამართალდარღვევისთვის 400 ლარიანი ჯარიმა დაუმორჩილებლბისთვის მიუსაჯა. ახალ თავიდან დაიწყო ყველაფერი. გამთენიისას ისევ დააკავეს და სცემეს. მიშველეთ ვინმემ. გამოსავალს ვეღარ ვხედავ მივალ შსს-სთან დღეს და თუ ჭიკაიძე არ მომისმენს ბენზინს გადავისხავ და თავს დავიწვავ“,-განაცხადა ირინა ასანიძემ