საქართველოს თანაინვესტირების ფონდი უარყოფს გავრცელებულ ინფორმაციას, რომლის მიხედვით ისანი-სამგორის რაიონში „კარფურის“ გახსნა ბიძინა ივანიშვილთან არის დაკავშირებული. მათი თქმით, არც ბიძინა ივანიშვილს და არც თანაინვესტირების ფონდს „კარფურთან“ არანაირი კავშირი არ აქვთ.

"გასულ კვირას სხვადასხვა მედიის საშუალებით გავრცელდა ინფორმაცია ისანი-სამგორის რაიონში კომპანია "კარფურის" ახალი ჰიპერმარკეტის მშენებლობის ფარგლებში ხეების ჭრის თაობაზე, რომელიც დააკავშირეს ბიძინა ივანიშვილთან და საქართველოს თანაინვესტირების ფონდთან. სრული პასუხისმგებლობით ვაცხადებთ, რომ არც ბიძინა ივანიშვილი და არც საქართველოს თანაინვესტირების ფონდი არანაირ კავშირში არი არიან კომპანია "კარფურის" საქმიანობასთან და მათ შორის – ახალი ჰიპერმარკეტის მშენებლობასთან. გავრცელებული ინფორმაცია სიმართლეს არ შეესაბამება", - ნათქვამია განცხადებაში.