გორში, ცოტახნის წინ ჭალის დასახლებაში, მრავალსართულიანი ბინის სადარბაზოსთან 60 წლის მამაკაცი ნ. ი. გამვლელებმა გარდაცვლილი იპოვეს. როგორც „ნიუპოსტის“ კორესპოდენტი შემთხვევის ადგილიდან იტყობინება ადგილზე ამ წუთებში სასწრაფო სამედიცინო დახმარების ბრიგადა, საპატრულო პოლიციის თანამშრომლები და ექსპერტ-კრიმინალისტები მუშაობენ.

ჩვენი კორესპონდენტი გარდაცვლილის ძმასაც ესაუბრა რომლისთვისაც ამ დრომდე უცნობია მომხდარის დეტალები, როგორც ის ამბობს მისი ძმა სტალინის ქუჩაზე ცხოვრობდა. მისთვის გაუგებარია ისიც თუ რა უნდოდა ნ. ი. ჭალის დასახლებაში. პირველადი დათვალიერების შედეგად გარდაცვლილს სხეულზე დაზიანებები არ აღენიშნება. გავრცელებული ინფორმაციის თანახმად, მამაკაცი ბუნებრივი სიკვდილით გარდაიცვალა. რამდენიმე წუთში ცხედარს გორის პროზექტურაში გადაასვენებენ. საქმეზე მიმდინარეობს გამოძიება საქართველოს სისხლის სამართლის კოდექსის 116-ე მუხლით, რაც გაუფრთხილებლობით სიცოცხლის მოსპობას გულისხმობს.