აშშ-ის ყოფილი სახელმწიფო მდივანი კოლინ პაუელი საქართველოს ყოფილი პრეზიდენტის ედუარდ შევარდნაძის გარდაცვალების გამო მწუხარებას გამოთქვამს.
კოლინ პაუელი "ფეისბუქის" საკუთარ გვერდზე წერს, რომ ედუარდ შევარდნაძემ სასიცოცხლო როლი ითმაშა ცივი ომის დასრულებასა და საბჭოთა კავშირის დაშლაში.
"მწუხარებას გამოვთქვამ საბჭოთა კავშირის ყოფილი საგარეო საქმეთა მინისტრისა და საქართველოს ექსპრეზიდენტ ედუარდ შევარდნაძის გარდაცვალების გამო. ჩვენ კოლეგები და მეგობრები ვიყავით საბჭოთა კავშირის არსებობის ბოლო ხანებში. ვუთანაგრძნობ მის ოჯახსა და რუსეთისა და საქართველოს მოქალაქეებს, ვინც სათანადოდ დააფასა მისი სამსახური და ერთგულება მშვიდობისა და დემოკრატიის წინსვლაში", - წერს კოლინ პაუელი "ფეისბუქზე".
ედუარდ შევარდნაძე 86 წლის ასაკში გარდაიცვალა. მას 13 ივლისს დაკრძალავენ.
მასალის გამოყენების პირობები






