ბათუმში მშობიარისა და ჩვილის გარდაცვალების ფაქტს იკვლევს ჯანდაცვის სამინისტრო იკვლევს. ამის შესახებ ჯანდაცვის მინისტრმა დავით სერგეენკომ განაცხადა.

"ჯანდაცვის სამინინისტრო შემთხვევიდან ორი საათის განმავლობაში უკვე ჩართული იყო ამაში. გვაქვს ოპერატიული შეტყობინების კავშირი. აღნიშნულ შემთხვევას დეტალურად გამოვიკვლევთ და შედეგებს გავაცნობთ საზოგადოებას", - განაცხადა სერგეენკომ.

ბათუმში 27 წლის ფეხმძიმე ქალბატონი გუშინ გარდაიცვალა. მომხდარში პაციენტის ოჯახის წევრები რეფერალური საავადმყოფოს ექიმებს ადანაშაულებენ. გარდაცვლილის მეუღლე აცხადებს, რომ ნაყოფის გარდაცვალების შემდეგ ოჯახი საკეისრო კვეთას ითხოვდა, თუმცა ექიმებმა პაციენტი მაინც ფიზიოლოგიურად ამშობიარეს. ოჯახის წევრები ამტიკცებენ, რომ 27 წლის გოგონას შორენა დევაძის გარდაცვალება სწორედ ექიმების მიერ მიღებულ გადაწყვეტილებას უკავშირდება.