ახალგაზრდები ბარიერების გარეშე

საზოგადოება - 22:25, 04 Jul, 2014

2181

ახალგაზრდული ასოციაცია "დრონის" ორგანიზებითა და სპორტისა და ახალგაზრდობის სამინისტროს „ბავშვთა და ახალგაზრდობის განვითარების ფონდი“-ს მხარდაჭერით დევნილთა კომპაქტურად ჩასახლების ობიექტებში მცხოვრები ახალგაზრდებისთვის ერთობლივი პროექტი "ახალგაზრდები ბარიერების გარეშე - ნაწილი II’’ ხორციელდება.

პროექტი საქართველოს სამ დევნილთა კომპაქტურ ჩასახლებაში – სკრის, შაუმიანისა და შავი ზღვის სკოლაში 6 თვის განმავლობაში განხორციელდება და რამდენიმე ეტაპს მოიცავს.

პროექტის ფარგლებში ამ ეტაპზე , მაისისა და ივნისის თვეში წარმატებით ჩატარდა პიროვნული განვითარებისა და ფოტოგრაფიის ტრენინგები, ასევე დაიგეგმა ივლისის მეორე ნახევარში გამოფენის ჩატარება, სადაც წარმოდგენილი იქნება ბავშვების მიერე შექმნილი ნამუშევრები.

პროექტის ფარგლებში, დაგეგმილია სხვადასხვა კულტურულ–საგანმანათლებლო და სპორტული ღონისძიებები. კერძოდ, კომპაქტურად ჩასახლების ობიექტებში მცხოვრები 3-დან 18 წლამდე ასაკის ბავშვებისა და მოზარდებისათვის ჩატარდება ფოტოგრაფიის, კრეატიული მართლწერის,მინანქარზე მუშაობის, ანიმაციისა და პიროვნული განვითარების ტრენინგები. პროექტის ფარგლებში ახალგაზრდებთან იმუშავებენ როგორც ქართველი, ასევე ევროპიდან მოწვეული გამოცდილი ტრენერები და კოორდინატორები. უცხოელი მოხალისეები ეწვევეიან დევნილთა კომპაქტურად ჩასახლების ობიექტებსაც, სადაც მოახდენენ თავიანთი კულტურისა და ტრადიციების პრეზენტაციას.

ახალგაზრდული ასოციაცია „დრონი“ აქტიურად თანამშრომლობს საქართველოს ტერიტორიაზე არსებულ დევნილთა ჩასახლებებსა და ამ სფეროში მომუშავე ორგანიზაციებთან. ახორციელებს სხვადასხვა სოციალურ პროექტებს, რომლებიც მიზნად ისახავენ ახალგაზრდებსა და მოზარდებთან, სოციალური თვითშეგნების ამაღლებასა და საერთაშორისო საზოგადოებაში ინტეგრირებას. პროექტი სპორტისა და ახალგაზრდობის სამინისტროს "ბავშვთა და ახალგაზრდობის განვითარების ფონდის" მხარდაჭერით წელს მეორედ იმართება.