„მოდულის“ შენობის წინ თბილისის ყოფილი მერის გიგი უგუალავას მხარდამჭერი აქცია გაიმართა. საზოგადოებრივი მოძრაობა “დროას“ აქტივისტები უგულავას დაკავების ფაქტს პოლიტიკური გადაწყვეტილებას უწოდებენ და აცხადებენ, რომ ეს გადაწყვეტილება ყოფილმა და ახლანდელმა პრემიერ-მინისტრებმა მიიღეს.

„გვინდა, რომ დასრულდეს ჰაკიმფაშას კლოუნადა, ეს შენობა ნამდვილი ცირკის არენაა. დაჭერობანა და ტაკიმასხარაობა არაა ევროპული არჩევანი. ხელისუფლებამ, უმჯობესია, საქმე აკეთოს და დევნებს თავი დაანებოს“ - აღნიშნა აქციის მონაწილემ.

თბილისის ყოფილი მერი უკვე შვიდი საათის "მოდულის" შენობაში იმყოფება. „ნაციონალური მოძრაობის“ საარჩევნო შტაბის ხელმძღვანელი გიგი უგულავა თბილისის საერთაშორისო აეროპორტში დღეს დილით დააკავეს. მას ფინანსურ მაქინაციებში ედავებიან.