2014 წელს თბილისის საერთაშორისო თეატრალური ფესტივალი ახალი პროგრამისათვის ემზადება,- აღნიშნულია ფესტივალის ოფიციალურ ვებ გვერდზე გამოქვეყნებულ განცხადებაში.

ფესტივალი 20 სექტემბრიდან 8 ოქტომბრის ჩათვლით გაიმართება და, ტრადიციულად, ფესტივალის უმნიშვნელოვანეს ნაწილს ქართული სპექტაკლების პროგრამა წარმოადგენს.

წელს მას დაემატა კავკასიისა და შავი ზღვის ქვეყნების სპექტაკლები (არაუმეტეს 5 სპექტაკლისა) და სხვადასვა კომპანიების პრეზენტაციები.

"ვფიქრობთ პროგრამის გაფართოება ფესტივალს საშუალებას მისცემს მთელს რეგიონში მოიპოვის ლიდერობა და სულ უფროდაუფრო მეტი ადამიანი დააინტერესოს და დაიმეგობროს. 7 დღის განმავლობაში სტუმრებს საშუალება მიეცემათ დაესწრონ ქართული, კავკასიისა და შავი ზღვის ქვეყნების წარმოდგენებსა და პრეზენტაციებს",- აღნიშნულია განცხადებაში.

ფესტივალი სხვადასხვა ქვეყნებიდან იწვევს სტუმრებს. ასევე მოწვეულები არიან კავკასიასა და შავი ზღვის ქვეყნებში არსებული კომპანიები.

"იმედს გამოვთქვამთ, რომ უცხოელი კრიტიკოსების, ფესტივალისა და თეატრების წარმომადგენლების სტუმრობა კვლავ სასარგებლო და საქმიანი აღმოჩნდეს ქართული თეატრისათვის - საერთაშორისო პოპულარიზაციისა და განვითარებისათვის".

2009 წლიდან დღემდე ფესტივალი საქართველოს ყველა პროფესიულ თეატრს მასპინძლობს. პროგრამის ფარგლებში სახელმწიფო და დამოუკიდებელ თეატრებს, პროექტებსა და დამოუკიდებელ ჯგუფებს საშუალება ეძლევა საერთაშორისო ასპარეზზე გაიტანოს საკუთარი პროდუქცია, პროექტები და იდეები; საერთაშორისო პრესისა და პროფესიონალების ყურადღების ცენტრში მოექცეს.

წყარო: liberali.ge