„ქურდებმა აიღეს სადავეები. „მამაშებთან“ არიან შეკრულები და ერთად მართავენ სიტუაციას, - ამბობს გაზეთ „ქრონიკა+“ -თან გონიოს ერთ-ერთი მცხოვრები. მისივე თქმით აჭარაში ტრეფიკინგსა და პროსტიტუციას „ქურდები“ მფარველობენ.

„აგერ მეზობლის სახლში ერთ ყაზახ ქალს 4 გოგოსთვის 2 ოთახი აქვს ნაქირავები. 500 დოლარს იხდის და იმ გოგოებს ამუშავებს. ვიღაც ქურდი აკითხავს. ამან უყიდა ჯიპი. ის ქურდი მფარველობს მას. თუ ადრე ჩვენი ქალები ქუჩაში მეძავს გალანძღავდნენ, პოლიციაში რეკავდა მაშინვე, ახლა პირდაპირ „მამაშასთან“ რეკავს, ის კი - მის ლობისტთან დ ამოდიან საქმეების გასარჩევად.

-რას ნიშნავს, საქმეების გასარჩევად?

-ქურდებმა რომ დაიწყეს აქ სიტუაციის დალაგება, ჩვენს შვილებს და კაცებს გვითხრეს, - რა თქვენი საქმეა, თუ ვინმე ბოზობსო?! სხვის ცხოვრებაში არ უნდა ჩაერიოთ და ნუ შეიქმნით პრობლემებს, არაა მართალი სხვის საქმეში ჩარევაო! ახალგაზრდა ბიჭებს უთხრეს, - დედები დააშოშმინეთ და საკუთარ ოჯახებს მიხედეთო. როცა ვხედავთ, რომ პოლიცია ვერ გვეხმარება, პირიქით იმათ მხარესაა, არც ჩვენ გვინდა პრობლემები და ვჩუმდებით.

-რა გამოსავალს ხედავთ? თუ არ გააპროტესტებთ, ამით ხომ არაფერი სეიცვლება?

-არც მაშინ იცვლებოდა, როცა ვაპროტესტებდით. საზღვრისპირა დასახლებაა და ბუნებრივიაო. არ ვიცი რა არის ევროპისთვის ბუნებრივი, მაგრამ ჩვენთვის მიუღებელია...

გონიოს გარდა, რამდენიმე კერა არსებობს ბათუმში. ძველ ბათუმში ქუთაისის, მაზნიაშვილის, კომახიძის, გამსახურდიას ქუჩებზე რამდენიმე ათეული ბორდელია გახსნილი, სადაც ძირითადი მომხმარებლები თურქები არიან. ზოგ ასეთ დაწესებულებებში ქართველებს არც კი უშვებენ. ქართველებისთვის მისაწვდომია პუშკინის ქუჩაზე, რურუასა და ლეონიძის ქუჩებზე არსებული ბორდელები“.

წყარო: „ქრონიკა+“.