ქსელის სარეაბილიტაციო სამუშაოების გამო დღეს მარნეულის რაიონის სოფლების 23 706 აბონენტს ორი საათის განმავლობაში ელექტროენერგიის მიწოდება შეეზღუდება.

როგორც კომპანია "ენერგო პრო ჯორჯია" იუწყება, შეზღუდვა 30 ივნისს 12:00–დან 14:00 საათამდე სოფელ შულავერის, სადახლოს და მიმდებარე სოფლების მოსახლეობას შეეხება.

ელექტროენერგიის მიწოდება შეეზღუდება ასევე, თეთრიწყაროს რაიონს მთლიანად (7091 აბონენტს). დღესვე 10:00–დან 17:00 საათამდე კი ელექტროენერგიის მიწოდება შეეზღუდება ზესტაფონის ნაწილს – აღმაშენებლის, ხანძთელის, სააკაძის, კოსტავას, 9 აპრილის, ნინოშვილის, წერეთლის, 26 მაისის, ბარათაშვილის, თამარ მეფის, გურამიშვილის და მიმდებარე ქუჩებს, ასევე სოფლებს ქვემო საქარასა და ბოსლვს; საერთო ჯამში 10 000 აბონენტს.

როგორც კომპანიაში აცხადებენ, "ენერგო–პრო ჯორჯია" განაგრძობს ქსელის სარეაბილიტაციო სამუშაოებს, რათა კომპანიის ქსელი უფრო საიმედო გახდეს, შედეგად კი ელექტროენერგიის მიწოდება უფრო ხარისხიანი იქნება.