პოლიტიკოსი ირაკლი ღლონტი „მის ბიკინის“ ჟიურიში

საზოგადოება - 00:45, 30 Jun, 2014

5815

„მის ბიკინის“ ჟიურიში ცნობილი ტელესახეები შეიკრიბნენ. მსახიობები, მომღერლები, მოდელები, დიზაინერები და ზოგიერთის გასაკვირად ახალგაზრდა პოლიტიკოსიც კი. ირაკლი ღლონტი ისე გულიანად ჩაერთო გოგონების „შეფასება -გადაფასებაში“, მგონი რაღაც მომენტში პოლიტიკოსობა კიდეც მიავიწყდა...
რაც მთავარია ახალგაზრდა პოლიტიკოსი საქმეს პასუხისმგებლობით მოეკიდა და ჩვენი ქვეყნის წარმოსაჩენად არჩევანიც ღირსეული გააკეთა. „ნიუპოსტთან“ საუბრისას კი გაირკვა, თუ რა მჭიდროდ ყოფილა ერთმანეთთან დაკავშირებული „მის ბიკინი“ და პოლიტიკა.

ირაკლი ღლონტი: ძალიან საინტერესოა, ახალი სახეები არიან და ჩემი პოლიტიკური საქმიანობაც დაკავშირებულია ახალ სახეებთან. მიხარია რომ ასე თამამად გამოდიან და თავიანთ მონაცემებს თამამად აფიქსირებენ. ყოველთვის უნდა მივცეთ ამ ახალგაზრდებს საშუალება ასპარეზზე წარმოაჩინონ თავიანთი უნარ-ჩვევები და ნიჭი.
-ჟიურის ამპლუაში თავს როგორ გრძნობთ?
-ძალიან კარგად, პირველად არა ვარ ჟიურის წევრი. უბრალოდ გოგონების შეფასება პირველად მიწევს, და პატივია ჩემთვის, ძალიან მნიშვნელოვანია და მთელი პასუხისმგებლობით ვუდგები ამ საკითხს. ამიტომაც ყველაზე საუკეთესო შევარჩიეთ, რომელიც ჩვენს ქვეყანას წარმოაჩენს სხვაგანაც და ჩვენს ქვეყანაშიც იქნება პოპულარული სახე სამოდელო კუთხით. შოუბიზნესს სჭირდება სისხლის განახლება და რეფორმები.
შეგახსენებთ „მის ბიკინი მოდელ საქართველო - 2014“ -ის ჩვენება კომპლექს "ჯინო ფარადაისში" გაიმართა. კონკურსის გამარჯვებული 17 წლის მოდელი მარიამ დონაძე გახდა.