„აჟიოტაჟი ნამდვილად მოჰყვა - ეს როგორ აკადრეთ ქართველ გოგონებსო“

საზოგადოება - 00:31, 30 Jun, 2014

14195

„მის ბიკინის“ ჟიურის ერთ-ერთი წევრი, ყველასთვის ცნობილი სახე, „მიუზიკ ბოქსის“ ხელმძღვანელი ლიზა ვადაჭკორია გახლდათ. ლიზამ „ნიუპოსტთან“ მონაწილე კონკურსანტები შეაფასა და რამდენიმე წლის წინ ჩატარებული კონკურსის „მის ბიკინის“ ერთ-ერთი ისტორიაც გაიხსენა.
ლიზა ვადაჭკორია: ძალიან ბევრ კონკურსში ვარ ხოლმე ჟ იურის წევრი, რადგან ვარ ტელევიზიის ხელმძღვანელი და შესაბამისად ვისაც სჭირდება ხოლმე ტელევიზიის მხარდაჭერა ყოველთვის გეპატიჟებიან ჟიურიში. ისედაც ცნობადი სახე ხარ და რატომაც არა. დღესაც ასე შევიკრიბეთ ყველა...

რაც შეეხება თვითონ „მის ბიკინის“ , რამდენიმე წლის წინ სხვა ორგანიზატორი ჰყავდა ამ კონკურსს და მახსოვს უადგილოდ გაგვინაწყენდა. ჩვენს მიერ მომზადებული სიუჟეტი ასე დავასათაურეთ „უკომპლექსო ქართველი გოგონები მის ბიკინიზე გამოვიდნენ“. სწორედ ამ სიტყვას, უკომპლექსოს, -ორგანიზატორების მხრიდან რატომღაც მწვავე რეაქცია მოჰყვა.
-მშობლები რას იტყვიან, ასეთი რამ რატომ სთქვითო... გაკვირვებული დავრჩი, როცა პუბლიკის წინშე საცურაო კოსტიუმში გამოდიხარ ე.ი გაშიშვლების კოპმპლექსი არ გაქვს და ვერ ვხვდები რა იყო ამაში საწყენი? მაგრამ აჟიოტაჟი ნამდვილად მოჰყვა - ეს როგორ აკადრეთ ქართველ გოგონებსო. თითქოს ეს სიტყვე უკომპლექსო იყო რაღაც ცუდი კონტექსტით. მე ხომ მეძავი არ მითქვია, ან რაიმე სხვა ცუდი სიტყვა ?
ეს იყო 2 წლის წინ, დღეს კი სიტუაცია შეიცვალა , შეიცვალა ორგანიზატორიც... დღეს მე ვხედავ ძალიან ბევრ ლამაზ გოგონას, რომლებიც ძალიან თამამად გამოდიან საცურაო კოსტუმებში, ძალიან თავდაჯერრებულად, ფლობენ თავიანთ სხეულს და მე ამას მივესალმები. თუ შეამჩნიეთ „მის საქართველოზე“ წელს არ იყო საცურაო კოსტიუმები, რამაც ძალიან გამაკვირვა, რადგან ეს კონკურსის აუცილებელი ნაწილია. ამიტომ „მის ბიკინიზე“ ავინაზღაურეთ ის ინტერესი რომელიც დაგვაკლდა მის საქრთველოზე.