თბილისის სახელმწიფო სამედიცინო უნივერსიტეტში თსსუ-ის სტუდენტური თვითმმართველობის, ივ. თარხნიშვილის სახელობის სტუდენტთა სამეცნიერო საზოგადოების, საქართველოს ფარმაცევტ სტუდენტთა ასოციაციისა (GPSA) და ევროპის მედიკოს სტუდენტთა ასოციაცია-თბილისის (EMSA-Tbilisi) ორგანიზებით საქველმოქმედო ხასიათის ყოველწლიური საერთაშორისო პროექტი „Teddy Bear Hospital“ გაიმართა.

პროექტი მიზნად ისახავდა ბავშვებში ექიმის, ეგრეთ წოდებული „თეთრი ხალათის“ (რომელიც ექიმთან ასოცირდება ბავშვის ფსიქიკაში) და წამლის მიმართ ფობიის დაძლევას.

„თეთრი ხალათის“ აქციაში მონაწილეობა საოჯახო საცხოვრებელი „კარიტასის“ და გლდანის მიუსაფარ ბავშვთა სახლის აღსაზრდელებმა მიიღეს. ბავშვებს კონსულტაცია თბილისის სახელმწიფო სამედიცინო უნივერსიტეტის რეზიდენტებმა გაუწიეს. პროექტის ფარგლებში, ფობიის დაძლევასთან ერთად სხვა სახის კონსულტაციები ჩატარდა, მათ შორის სტომატოლოგური კონსულტაცია.

სამედიცინო გასინჯვის შემდეგ, ბავშვებს თავიანთი პროდუქციით პროექტის მხარდამჭერი კომპანიები „ბარამბო“, „ეკო ფუდი“ და „ავერსი“ გაუმასპინძლდნენ.

პატარა პაციენტების გართობაზე იზრუნეს ბავშვთა გასართობ ცენტრ „ნევერ ლენდ“–ის ანიმატორებმა. ბავშვებმა ასევე, დაათვალიერეს უნივერსიტეტში არსებული მუზეუმი, რომელსაც შემეცნებითი ხასიათი ქონდა და გიდობას სამედიცინო უნივერისტეტის სტუდენტები და კურსადმთავრებულები უწევდნენ.

პროექტის ფარგლებში, უნვერსიტეტში არსებულ სააქტო დარბაზში ბავშვთა სახლის აღსაზრდელებისთვის კონცერტი ჩატარდა.

დასკვნით ნაწილში კი ბავშვებს საჩუქრად „ახალგაზრდა ადვოკატების“, პლასტიკური, ესთეტიკური და დერმატოკოსმეტოლოგის კლინიკა „ტოტალ შარმის“ მიერ დაწესებული საჩუქრები გადაეცათ.

პროექტის მედია მხარდამჭერას ინტერნეტ გამოცემა „News.ge” და „newpost.ge” უზრუნველყოფდნენ.

პროექტის მხარდამჭერი იყო გრაფიკული დიზაინერი ზურაბ გიორგაძე, თბილისის სამედიცინო აკადემია და სტუდენტთა სამეცნიერო კვლევითი კლუბი „ვიტალისი“.