მის- ბიკინის გამარჯვებული 17 წლის მოდელი გახდა

საზოგადოება - 01:30, 29 Jun, 2014

13685

„ნამდვილად არ ველოდი ამ გამარჯვებას, შოკში ვარ“, - აღნიშნა „ნიუპოსტთან“ საუბრისას „ფეშენ შარმის“ 17 წლის მოდელმა, მარიამ დონაძემ. მის ბიკინის ტიტულის მფლობელი სწორედ ის გახდა.

მარიამ დონაძე: „რომ ვთქვა რომ ეს ჩემი პირველი კონკურსია , არ ვიქნები მართალი. მოდელი ვარ და 5 წელია რაც აქტიურად ვარ ჩართული ამ სფეროში, ძალიან ბევრ კონკურსშიც მიმიღია მონაწილეობა, თუმცა, გამარჯვებას მართლა არ ველოდი, იმდენად გაოცებული ვარ რომ ვერც აგიღწერთ“.

არვიცი, ამგვარი გაოცება ელოდება თუ არა ქართველ „მის ბიკინს“ ჩინეთში, მაგრამ გამგზავრებით კი აუცილებლად გაემგზავრება, კონკურსის გამარჯვებული ჩინეთში, "WORLD BIKINI MODEL INTERNATIONAL 2014"-ში მიიღებს მონაწილეობას. ხოლო მანამდე კი მარიამი ტელე-ჟურნალისტიკაზე ჩაბარებას აპირებს, როგორც „ნიუპოსტთან“ საუბრისას აღნიშნა ჟურნალისტობა მისი ოცნებაა. ისიც გაირკვა რომ ამ ბოლო დროს ფსიქოლოგობა იტაცებს, - სავსებით შესაძლებელია ამ პროფესიასაც დავეუფლოო. „მის ბიკინი მოდელ საქართველო - 2014“ -ის ჩვენება კომპლექს "ჯინო ფარადაისში" გაიმართა. მონაწილეებს საჩუქრად სხვადასხვა კომპანიებისგან პრიზები გადაეცათ. "ჩვენი დევიზია, მსოფლიომ აღიაროს ქართული სილამაზე" - აცხადებენ "მის ბიკინის" ორგანიზტორი კომპანია "CT NEWS"-ის წარმომადგენლები.