ჩოხატაურში უცნობი ნივთიერების გაჟონვასთან დაკავშირებით კომენტარი გააკეთა რაიონის გუბერნატორმა გიორგი ჩხაიძემ. მისი განმარტებით წინასწარი ინფორმაციით უცნობი აირი შესაძლოა თხევადი ქლორი იყოს. ბალონთან მიახლოება ჯერჯერობით შეუძლებელია, შესაბამისი სამსახურები სპეციალისტებს თბილისიდან ელოდებიან.

რაც შეეხება დაზარალებულებს, ადამაინები, რომლებიც გულისრევასა და თავის ტკივილებს უჩიოდნენ სამედიცინო დაწესებულებაში არიან გადაყვანილნი და მათ გადასხმები უკვე ჩაუტარდათ, ამ დროისათვის ისინი ექიმების მეთვალყურეობის ქვეშ არიან.