რელიგიური ორგანიზაცია "ქართველ მუსლიმთა კავშირი" მარხვის თვის, რამაზნის დაწყებას აღნიშნავს. ორგანიზაცია დღეს, 21:00 საათზე საზეიმო იფთარს (ვახშამს) მართავს.

წელს რამაზნის თვე იწყება 28 ივნისს და 28 ივლისს რამაზან-ბაირამის დღესასწაულით მთავრდება.

საზეიმო ვახშამს დაესწრებიან, დიპლომატიური კორპუსის წარმომადგენლები, ადგილობრივი რელიგიური ორგანიზაციების და სამთავრობო უწყებების წევრები. ასევე, თურქეთის ქალაქების, ბურსას, ინეგოლის, რიზესა და ართვინის ქართული სათვისტომოს ხელმძღვანელები და გუბერნიის სამთავრობო დელეგაციები.