მთის განვითარების სახელმწიფო კომისია შეიქმნა

საზოგადოება - 18:45, 26 Jun, 2014

1880

მთავრობამ მთის განვითარების სახელმწიფო კომისია შექმნა. კომისიის ფუნქცია და ამოცანებისაქართველოს მაღალმთიანი ტერიტორიების პრობლემების შესწავლა და შესაბამისი დასკვნების შემუშავებაა;
მაღალმთიანი ტერიტორიების განვითარებასთან დაკავშირებული წინადადებების, რეკომენდაციების, საკანონმდებლო და კანონქვემდებარე ნორმატიული აქტების პროექტების, კონცეფციების და პროგრამების მომზადება, განხილვა და მთავრობისთვის წარდგენა;
მიზნობრივი პროგრამებისა და პროექტების განხილვა და განხორციელების კოორდინაცია; მაღალმთიანი ტერიტორიების განვითარებასათან დაკავშირებული ღონისძიებების უწყებათაშორისი საქმიანობის კოორდინაცია; გაწეული საქმიანობის თაობაზე მთავრობისთვის ანგარიშის წარდგენა.
მთის განვითარების სახელმწიფო კომისიას რეგიონული განვითარებისა და ინფრასტრუქტურის მინისტრი ელგუჯა ხოკრიშვილი უხელმძღვანელებს.
კომისიის შემადგენლობაში არიან: ეკონომიკისა და მდგრადი განვითარების მინისტრი (კომისიის თანათავმჯდომარე) გიორგი კვირიკაშვილი, სასჯელაღსრულებისა და პრობაციის მინისტრი სოზარ სუბარი, რეგიონული განვითარებისა და ინფრასტრუქტურის მინისტრის პირველი მოადგილე თენგიზ შერგელაშვილი, ეკონომიკისა და მდგრადი განვითარების მინისტრის პირველი მოადგილე დიმიტრი ქუმსიშვილი, ჯანდაცვის მინისტრის პირველი მოადგილე დიმიტრი მახათაძე, სოფლის მეურნეობის მინისტრის მოადგილე დავით გალეგაშვილი, გარემოსა და ბუნებრივი რესურსების დაცვის მინისტრის პირველი მოადგილე ნინო შარაშიძე, რეგიონული განვითარებისა და ინფრასტრუქტურის მინისტრის მოადგილე თეიმურაზ მურღულია, შინაგან საქმეთა მინისტრის მოადგილე ვახტანგ გომელაური, ფინანსთა მინისტრის მოადგილე გიორგი ჯავახიშვილი, ენერგეტიკის მინისტრის მოადგილე ილია ელოშვილი, იუსტიციის მინისტრის მოადგილე ალექსანდრე ტაბატაძე, კულტურისა და ძეგლთა დაცვის მინისტრის მოადგილე მანანა ბერიკაშვილი, განათლებისა და მეცნიერების მინისტრის მოადგილე ლია გიგაური, სპორტისა და ახალგაზრდობის საქმეთა მინისტრის მოადგილე რატი ბრეგაძე.
მთავრობის წარმომადგენლებთან ერთად, მთის განვითარების საკითხებზე პარლამენტის წევრებიც იმუშავებენ. სახელმწიფო კომისიის შემადგენლობაში პარლამენტიდან შევიდნენ: ერეკლე ტრიპოლსკი, გიგლა აგულაშვილი, გოგი თოფაძე, ვიქტორ ჯაფარიძე, მირიან წიკლაური და ზაქარია ქუცნაშვილი. კომისიის შემადგენლობაში არიან სახელმწიფო რწმუნებულის-გუბერნატორის ადმინისტრაციისა და საექსპერტო წრეების წარმომადგენლები.