სტამბულში სპექტაკლის დასადგმელად თბილისის აზერბაიჯანული დრამატული თეატრის სამხატვრო ხელმძღვანელი ზურაბ სიხარულიძე მიიწვიეს. მას თურქეთის რესპუბლიკაში 16 წლიანი მოღვაწეობის გამოცდილება აქვს. ზურაბ სიხარულიძე საქართველოში ერთი წელია რაც დაბრუნდა. ამჟამად მესხეთის თეატრის მთავარი რეჟისორი და თბილისის აზერბაიჯანული სახელმწიფო დრამატული თეატრის სამხატვრო ხელმძღვანელია.

კახი ლაზარიშვილი აზერბაიჯანული თეატრის საინფორმაციო სამსახურის უფროსი: „ზურაბ სიხარულიძე სტამბულის Trump Towers-ის კულტურის ცენტრში თურქეთის თეატრისა და კინოს საუკეთესო და შერჩეული მსახიობების ჯგუფთან ერთად შექსპირის პიესაზე „რიჩარდ III“ იმუშავებს. რიჩარდის როლს კინოსა და თეატრის ცნობილი თურქი მსახიობი ერდემ აქაქჩე ითამაშებს. სპექტაკლი ნაჩვენები იქნება Trump Towers -ში და სტამბულის სხვადასხვა დრამატულ თეატრებში“.