სად ატარებენ "უიქენდებს" ცნობილი ქართველები

საზოგადოება - 13:02, 24 Jun, 2014

5176

ია ფარულავა, მსახიობი: ნამდვილად საჭიროა ქალაქიდან გასვლა. უფრო ხშირად უნდა გავიდეთ ქალაქიდან, ვიდრე ახლა ვაკეთებთ.

ჩვენ მთელი დღით გავდივართ ხოლმე. გორში გვიყვარს წასვლა, მცხეთაშიც, შესაძლოა კახეთისკენაც ავიღოთ გეზი.

ზღვა არ მიყვარს, ზღვას მთიანი და ტყიანი ადგილები მირჩევნია.

მადლობა ღმერთს, ტარიელსაც არ უყვარს ზღვა, ცურვა არ იცის. შესაბამისად, არასდროს ვგეგმავთ ზღვაზე წასვლას.

თაკო ჩხეიძე: ძალიან მნიშვნელოვანია შაბათ-კვირას დასვენება. ყოველ კვირას ვერ ვახერხებთ ქალაქგარეთ გასვლას, შეძლებისდაგვარად ვცდილობ დასვენების დღეები ოჯახთან ერთად გავატარო. ხან აგარაკზე მივდივართ, ხან სხვაგან, პატარები მყავს და სახლში გაჩერება რთულია... აგარაკი კიკეთში მაქვს.

მიყვარს ოჯახთან ერთად იქ დასვენება, გუდაურშიც გვაქვს სახლი, სადაც ზამთარში დავდივართ, ვსრიალებთ, ზაფხულობით კი ზღვაზე მივდივართ.

ლენუკა ყიფშიძე, მოდელი: დაგეგმილი არ მაქვს, სად გავატარებ კვირის ბოლოს, მაგრამ ძალიან დაძაბულია გარემო და ვცდილობ ჩემს შვილთან და მეგობრებთან ერთად მოვახერხო ქალაქიდან გასვლა და დასვენება. მათთან ერთად დასვენება ჩემთვის ძალიან მნიშვნელოვანია, თუმცა ხდება ისე, რომ ზოგჯერ ჩემი შვილი მამასთან არის. მე კი ჩემს მეგობრებთან. მამამ 2 წლის წინ იყიდა ბირთვისში აგარაკი, მაგრამ გასაკეთებელია და ჯერ ვერ შევდივართ. ძალიან ლამაზი ადგილია, სახლი დგას ტყეში, პირდაპირ არის მთა, იქვე არის ალგეთის წყალსაცავი, სადაც როცა ჩადიხარ, კალმახებს წვავენ ადგილზე. მაგრამ ჯერ ვერ ვახერხებთ დასასვენებლად იმ სახლში შესვლას, მამამ გაკეთება ვერ მოახერხა, ამაზე ძალიან მწყდება გული. მამაჩემს ოცნება რომ აქვს, საკუთარი აგარაკის გაკეთება, სამარცხვინო და სასაცილოა.