საჯარო სკოლებში მოსწავლის ჩასარიცხად აუცილებელი დოკუმენტების მიღება დაიწყო. განათლების სამინისტროს მიერ გავრცელებული ინფორმაციის თანახმად, დოკუმენტაციების წარდგენა 23 ივნისს დაიწყო და წარდგენის ბოლო ვადა 2014 წლის 4 ივლისია.

განათლების და მეცნიერების სამინისტრო პირველ კლასში დარეგისტრირებულ მოსწავლეთა მშობლებს მოუწოდებს, რომ მოსწავლის ჩასარიცხად აუცილებელი დოკუმენტების წარდგენა 4 ივლისამდე უზრუნველყონ, წინააღმდეგ შემთხვევაში, რეგისტრაცია გაუქმებული იქნება.

მათივე ინფორმაციით, პირველკლასელთა ელექტრონული რეგისტრაციის პროცესი 2014 წლის 20 ივნისს დასრულდა. საჯარო და კერძო სკოლებში სულ 45 421 მოსწავლეა რეგისტრირებული.