სამების საკათედრო ტაძრის დიაკონი, მამა ელიზბარ დიაკონიძე „ასავალ-დასავალტან“ საუბრისას აცხადებს, რომ ინფორმაცია იმის შესახებ, თითქოს სინოდის სხდომაზე პატრიარქის გადაყენებას აპირებდნენ მას სინოდის წევრმა და ერთ-ერთმა ყველაზე მაღალმა სასულერო იერარქმა მიაწოდა.მამა ელიზბარის განცხადებით სინოდში პატრიარქის ანდერძი ძალიან ბევრს აშინებს:

„პატრიარქს ანდერძით ჰყავს შერჩეული თავისი მოსაყდრე და ღმერთმა დიდხანს აცოცხლოს, მაგრამ ოდესღაც მაინც გაიხნება მისი ანდერძი... როცა ადამიანს პატრიარქად აკურთხებენ, მეორე დღესვე წერენ ანდერძს, რადგან უფლის გარდა არავინ უწყის ვინ რამდენ ხანს იცოცხლებს. პატრიარქობიდან 15 და 20 წლის თავზე უწმინდესმა ეს ანდერძი გამოცვალა. ახლა მის ანდერძში სულ სხვა პიროვნებაა ჩაწერილი, რომელმაც კათოლიკოს-პატრიარქის აღსრულების შემდეგ საპატრიარქო ტახტი უნდა დაიკავოს. ბუნებრივია, სინოდში პატრიარქის ანდერძი ძალიან ბევრს აშფოთებს, რადგან არ იციან თუ ვინ ჰყავს პატრიარქს თავის ანდერძში ჩაწერილი და ნებისმიერ შემთხვევაში როგორც კი უწმინდესის ანდერძი აღსრულდება ეკლესიაში მოკალათებულ კლანებს ფრთები შეეკვეცებათ. თუ უწმინდესი თავად იტყვის უარს საპატრიარქო ტახტზე და გადადგება, ანდერძი ძალაში ვერ შევა და ვერ ამოქმედდება. აი ამიტომ ვიმეორებ და ვაცხადებ კატეგორიულად , გეგმაში ჰქონდათ მიეღწიათ უწმინდესის გადადგომისთვის , რაც ჩაეშალათ“,-აცხადებს მამა ელიზბარი „ასავალ -დასავალთან“